کہاں تک غیر جاسوسی کے لینے کو لگا آوے الٰہی اس بلائے ناگہاں پر بھی بلا آوے

Kahan tak ghair jasoosi ke lene ko laga aave Ilahi is bala-e-nagahan par bhi bala aave

مرے استاد کو فردوس اعلیٰ میں ملے جاگا پڑھایا کچھ نہ غیر از عشق مجھ کو خوردسالی میں

Mere ustaad ko firdous-e-aala mein mile jaaga Parhaya kuch na ghair az ishq mujh ko khurd-saali mein

غیر کے کہنے سے مارا ان نے ہم کو بے گناہ یہ نہ سمجھا وہ کہ واقع میں بھی کچھ تھا یا نہ تھا

Ghair ke kehne se mara un ne hum ko be-gunah Yeh na samjha woh ki waqay mein bhi kuch tha ya na tha

غیر کی تیغ زباں سے تری مجلس میں تو ہم آ کے روز ایک نیا زخم اٹھا جاتے ہیں

Ghair ki tegh-e-zabaan se teri majlis mein to hum Aa ke roz ek naya zakhm utha jaate hain

مہلت تنک بھی ہو تو سخن کچھ اثر کرے میں اٹھ گیا کہ غیر ترے کانوں آ لگا

Mohlat tanak bhi ho to sukhan kuch asar kare Main uth gaya ke ghair tere kaanoon aa laga

میں تو غیر از ضرر نہ دیکھا کچھ ڈھونڈھو تم یار و آشنا سے نفع

Main to ghair az zarar na dekha kuch Dhoondho tum yaar-o-aashna se nafa

وہ آگ ہو رہا ہے خدا جانے غیر نے میری طرف سے اس کے تئیں کیا لگا دیا

Woh aag ho raha hai Khuda jaane ghair ne Meri taraf se us ke taen kya laga diya

مائل بہ غیر ہونا تجھ ابرو کا عیب ہے تھی زور یہ کماں ولے خم چم بہت ہے یاں

Maa'il ba-ghair hona tujh abru ka aib hai Thi zor yeh kamaan wale kham-o-cham bahut hai yaan

جاتا ہے یار تیغ بکف غیر کی طرف اے کشتۂ ستم تری غیرت کو کیا ہوا

Jaata hai yaar tegh-ba-kaf ghair ki taraf Ae kushta-e-sitam teri ghairat ko kya hua

تو یوں گالیاں غیر کو شوق سے دے ہمیں کچھ کہے گا تو ہوتا رہے گا

Tu yun gaaliyan ghair ko shauq se de Hamein kuch kahe ga to hota rahega

غیر ہی مورد عنایت ہے ہم بھی تو تم سے پیار رکھتے ہیں

Ghair hi mauarid-e-inaayat hai Hum bhi to tum se pyaar rakhte hain

یاس دیکھو کہ غیر سے کہہ دی بات اپنی امیدواری کی

Yaas dekho ke ghair se keh di Baat apni umeedwaari ki

مارا ہے وصل غیر کے شکوے پہ چاہیئے مدفن جدا جدا مری لاش دو نیم کا

Maara hai wasl-e-ghair ke shikwe pe chahiye Madfan juda juda meri laash-e-do-neem ka

ان سے اب التفات کی غیر کو ہیں شکایتیں سن کے مرا مبالغہ منت احتراز میں

Un se ab iltifaat ki ghair ko hain shikaayaten Sun ke mera mubalagha minnat-e-ihtiraaz mein

رخنۂ در سے غیر پاس دیکھا کسے کہ آج ہے رخنہ گری کچھ اور ہی نالۂ رخنہ ساز میں

Rukhna-e-dar se ghair paas dekha kise ke aaj hai Rukhna-gari kuch aur hi naala-e-rukhna-saaz mein

کیا پوچھو ہو منکر و نکیر آہ بگڑے جو وہ طعن غیر پر رات

Kya puchho ho munkir-o-nakeer aah Bigre jo woh taan-e-ghair par raat

جذب دل اسے کھینچ کے لائے تو کہاں لائے جو غیر کا گھر ہے وہی مسکن ہے ہمارا

Jazb-e-dil use kheench ke laaye to kahan laaye Jo ghair ka ghar hai wahi maskan hai hamara

جفائے غیر کا شکوہ تھا تیرا تھا کیا ذکر عبث یہ بات بری تجھ کو بد گمان لگی

Jafa-e-ghair ka shikwa tha tera tha kya zikr Abas yeh baat buri tujh ko bad-gumaan lagi

غیر ہے بے وفا پہ تم تو کہو ہے ارادہ نباہ کا کب تک

Ghair hai be-wafa pe tum to kaho Hai iraada-e-nibaah ka kab tak

کہیں آنکھیں دکھا چکو مجھ کو جانب غیر دیکھنا کب تک

Kahin aankhen dikha chuko mujh ko Jaanib-e-ghair dekhna kab tak

لے شب وصل غیر بھی کاٹی تو مجھے آزمائے گا کب تک

Le shab-e-wasl ghair bhi kaati Tu mujhe azmaaye ga kab tak

شب تم جو بزم غیر میں آنکھیں چرا گئے کھوئے گئے ہم ایسے کہ اغیار پا گئے

shab tum jo bazm-e-ghair mein aankhen chura gaye khoye gaye hum aise ke aghyaar pa gaye

لکھو سلام غیر کے خط میں غلام کو بندے کا بس سلام ہے ایسے سلام کو

likho salaam ghair ke khat mein ghulaam ko bande ka bas salaam hai aise salaam ko

اس سے جلا کے غیر کو امید پختگی لگ جائے آگ دل کے خیالات خام کو

us se jala ke ghair ko umeed-e-pukhtagi lag jaaye aag dil ke khayaalaat-e-khaam ko

شاید کہ دن پھرے ہیں کسی تیرہ روز کے اب غیر اس گلی میں نہیں پھرتے شام کو

shaayad ke din phire hain kisi teera-roz ke ab ghair is gali mein nahin phirte shaam ko

دیکھ لو شوق نا تمام مرا غیر لے جائے ہے پیام مرا

dekh lo shauq-e-na-tamam mera ghair le jaaye hai payaam mera

مجھ خانماں خراب کا لکھا کہ جان کر وہ نامہ غیر کا مرے گھر میں گرا گیا

mujh khaanumaan-kharaab ka likha ke jaan kar wo naama ghair ka mere ghar mein gira gaya

غیر عیادت سے برا مانتے قتل کیا آن کے اچھا کیا

ghair iyaadat se bura maante qatl kiya aan ke achha kiya

جائے تھی تیری مرے دل میں سو ہے غیر سے کیوں شکوۂ بے جا کیا

jaaye thi teri mere dil mein so hai ghair se kyon shikwa-e-be-ja kiya

جیتے جی غیر کو ہو آتش دوزخ کا عذاب گر مری نعش پہ وہ شعلہ عذار آ جائے

Jeete ji ghair ko ho aatish-e-dozakh ka azaab Gar meri naash pe woh shola-e-azaar aa jaaye

تیری جفا نہ ہو تو ہے سب دشمنوں سے امن بدمست غیر محو دل اور بخت خواب میں

Teri jafa na ho to hai sab dushmanon se amn Badmast ghair mahw-e-dil aur bakht-e-khwaab mein

گر غیر کے گھر سے نہ دل آرام نکلتا دم کاہے کو یوں اے دل ناکام نکلتا

Gar ghair ke ghar se na dil-aaraam nikalta Dam kaahe ko yun ae dil-e-naakaam nikalta

کیوں نہ ہوتے عزیز غیر تمہیں میری قسمت میں خوار ہونا تھا

Kyun na hote azeez ghair tumhein Meri qismat mein khwaar hona tha

یہ زلف خم بہ خم نہ ہو کیا تاب غیر ہے تیرے جنوں زدے کی سلاسل کو تھامنا

Yeh zulf-e-kham-ba-kham na ho kya taab-e-ghair hai Tere junoon-zada ki salaasil ko thaamnaa

غیر سے بے حجاب ملتے ہو شب عاشق سحر نہ ہو جائے

Ghair se be-hijaab milte ho Shab aashiq sehar na ho jaaye

ہمارے خوں بہا کا غیر سے دعویٰ ہے قاتل کو یہ بعد انفصال اب اور ہی جھگڑا نکل آیا

Hamaare khoon-baha ka ghair se dawa hai qaatil ko Yeh baad-e-infisaal ab aur hi jhagra nikal aaya

شکوہ ہے غیر کی کدورت کا سو مرے خاک میں ملانے کو

Shikwa hai ghair ki kudoorat ka So mere khaak mein milaane ko

بے پردہ غیر پاس اسے بیٹھا نہ دیکھتے اٹھ جاتے کاش ہم بھی جہاں سے حیا کے ساتھ

Be-parda ghair paas use baitha na dekhte Uth jaate kaash hum bhi jahaan se haya ke saath

کوچہ سے اپنے غیر کا منہ ہے مٹا سکے عاشق کا سر لگا ہے ترے نقش پا کے ساتھ

Kucha se apne ghair ka munh hai mita sake Aashiq ka sar laga hai tere naqsh-e-pa ke saath

کہتا ہے مہروش تمہیں کیوں غیر گر نہیں دن بھر ہمیشہ وصل جدائی تمام شب

Kehta hai mehr-wesh tumhein kyun ghair gar nahin Din bhar hamesha wasl-judai tamam shab

کہا ہے غیر نے تم سے مرا حال کہے دیتی ہے بے باکی ادا کی

Kaha hai ghair ne tum se mera haal Kahe deti hai be-baaki-e-ada ki

گر پھر بھی اشک آئیں تو جانوں کہ عشق ہے حقہ کا منہ سے غیر کی جانب دھواں نہ چھوڑ

Gar phir bhi ashk aayen to jaanon ke ishq hai Huqqa ka munh se ghair ki jaanib dhuaan na chhor

ہے یہ بندہ ہی بے وفا صاحب غیر اور تم بھلے بھلا صاحب

Hai yeh banda hi be-wafa saahib Ghair aur tum bhale bhala saahib

کچھ غیر سے ہونٹوں میں کہے ہے یہ جو پوچھو تو ووہیں مکرتا ہے کہ میں کچھ نہیں کہتا

Kuch ghair se honton mein kahe hai yeh jo puchho To wohin mukarta hai ke main kuch nahin kehta

کیا کیا نہ کہے غیر کی گر بات نہ پوچھو یہ حوصلہ میرا ہے کہ میں کچھ نہیں کہتا

Kya kya na kahe ghair ki gar baat na puchho Yeh hosla mera hai ke main kuch nahin kehta

میری نگاہ خیرہ دکھاتے ہیں غیر کو بے طاقتی پہ سرزنش ناز دیکھنا

Meri nigah-e-khaira dikhate hain ghair ko Be-taaqati pe sarzanish-e-naaz dekhna

ان ناتوانیوں پہ بھی تھے خار راہ غیر کیوں کر نکالے جاتے نہ اس کی گلی سے ہم

In na-taawaaniyon pe bhi the khaar-e-raah-e-ghair Kyun kar nikaale jaate na us ki gali se hum

رحم کر خصم جان غیر نہ ہو سب کا دل ایک سا نہیں ہوتا

Reham kar khasm-e-jaan ghair na ho Sab ka dil ek sa nahi hota

جل اٹھے بزم غیر کے در و بام جب بھی ہم خانماں خراب آئے

jal uThe bazm-e-ghair ke dar-o-baam jab bhi hum KHanuman-KHarab aae