گلا نہیں ہے ہمیں اپنی جاں گدازی کا جگر پہ زخم ہے اس کی زباں درازی کا

Gila nahin hai hamein apni jaan gudazi ka Jigar pe zakhm hai us ki zaban darazi ka

بن جی دئیے ہو کوئی طرح فائدہ نہیں گر ہے تو یہ ہے اے جگر افگار ایک طرح

Bin ji diye ho koi tarah faida nahin Gar hai toh yeh hai ai jigar-afgar ek tarah

پیغام غم جگر کا گلزار تک نہ پہنچا نالہ مرا چمن کی دیوار تک نہ پہنچا

Paigham-e-Gham-e-Jigar Ka Gulzar Tak Na Pahuncha Nala-e-Mera Chaman Ki Deewar Tak Na Pahuncha

پھر پھر گیا ہے آ کر منہ تک جگر ہمارے گزرے ہیں جان و دل پر یاں اضطراب کیا کیا

Phir phir gaya hai aa kar munh tak jigar hamare Gujre hain jaan-o-dil par yaan iztarab kya kya

ہر دم طرف ہے ویسے مزاج کرخت کا ٹکڑا مرا جگر ہے کہو سنگ سخت کا

Har dam taraf hai waise mizaj-e-karakht ka Tikra mera jigar hai kaho sang-e-sakht ka

جوں برگ ہائے لالہ پریشان ہو گیا مذکور کیا ہے اب جگر لخت لخت کا

Jun barg-e-ha-e-lala pareshan ho gaya Mazkoor kya hai ab jigar lakht-lakht ka

کلیوں کو تو نے چٹ چٹ اے باغباں جو توڑا بلبل کے دل جگر کو ظالم لگی ہے کیا چٹ

Kaliyon ko tu ne chat-chat ae baghban jo toda Bulbul ke dil-e-jigar ko zalim lagi hai kya chat

لخت جگر تو اپنے یک لخت رو چکا تھا اشک فقط کا جھمکا آنکھوں سے لگ رہا تھا

Lakht-e-jigar tu apne yak-lakht ro chuka tha Ashk fakat ka jhumka aankhon se lag raha tha

دامن میں آج دیکھا پھر لخت میں لے آیا ٹکڑا کوئی جگر کا پلکوں میں رہ گیا تھا

Daman mein aaj dekha phir lakht mein le aaya Tikra koi jigar ka palkon mein reh gaya tha

گلچیں سمجھ کے چنیو کہ گلشن میں میرؔ کے لخت جگر پڑے ہیں نہیں برگ ہائے گل

Gulcheen Samajh Ke Chuniyo Ke Gulshan Mein Meer Ke Lakht-e-Jigar Pade Hain Nahin Barg-Haaye Gul

اشک تر قطرۂ خوں لخت جگر پارۂ دل ایک سے ایک عدد آنکھ سے بہہ کر نکلا

ashk-e-tar qatra-e-khoon lakht-e-jigar para-e-dil Ek se ek adad aankh se beh kar nikla

گریے پہ رنگ آیا قید قفس سے شاید خوں ہو گیا جگر میں اب داغ گلستاں کا

Girye pe rang aaya qaid-e-qafas se shayad Khoon ho gaya jigar mein ab daagh-e-gulistan ka

رند مفلس جگر میں آہ نہیں جان محزوں ہے اور کیا ہے یاں

Rind muflis jigar mein aah nahin Jaan mehzoon hai aur kya hai yaan

تیر جو اس کمان سے نکلا جگر مرغ جان سے نکلا

Teer jo us kaman se nikla Jigar-e-murgh-e-jaan se nikla

دل جگر جل کر ہوئے ہیں دونوں ایک درمیاں آیا ہے جب سے پائے داغ

Dil jigar jal kar huye hain dono ek Darmiyaan aaya hai jab se paaye daagh

وہ نہیں اب میرؔ جو چھاتی جلے کھا گیا سارے جگر کو ہائے داغ

Woh nahin ab Meer jo chhati jale Kha gaya saare jigar ko haaye daagh

گہے داغ رہتا ہے دل گا جگر خوں ان آنکھوں سے کیا کیا ستم دیکھتے ہیں

Gahe daagh rehta hai dil gah jigar khoon In aankhon se kya kya sitam dekhte hain

گو نہ چلا تا مژۂ تیر نگہ اپنے جگر سے تو گزر کر گیا

Go na chala ta-mizhah-e-teer-e-nigah Apne jigar se to guzar kar gaya

دل خراشی و جگر چاکی و خوں افشانی ہوں تو ناکام پہ رہتے ہیں مجھے کام بہت

Dil kharaashi o jigar-chaaki o khoon-afshaani Hoon to naakaam pe rehte hain mujhe kaam bahut

صید افگنو ہمارے دل کو جگر کو دیکھو اک تیر کا ہدف ہے اک تیغ کا سپر ہے

Said-afgano hamare dil ko jigar ko dekho Ek teer ka hadaf hai ek tegh ka sipar hai

وے دن گئے کہ آنسو روتے تھے میرؔ اب تو آنکھوں میں لخت دل ہے یا پارۂ جگر ہے

We din gaye ke aansu rote the Mir ab to Aankhon mein lakht-e dil hai ya para-e jigar hai

دل جگر جان یہ بھسمنت ہوئے سینے میں گھر کو آتش دی محبت نے جلا کیا کیا کچھ

Dil jigar jaan ye bhasmant hue seene mein Ghar ko aatish di mohabbat ne jala kya kya kuch

درد دل زخم جگر کلفت غم داغ فراق آہ عالم سے مرے ساتھ چلا کیا کیا کچھ

Dard-e-dil zakhm-e-jigar kulfat-e-gham daagh-e-firaaq Aah aalam se mere saath chala kya kya kuch

چشم نمناک و دل پر جگر صد پارہ دولت عشق سے ہم پاس بھی تھا کیا کیا کچھ

Chashm-e-namnaak o dil-e-pur jigar-e-sad-para Daulat-e-ishq se hum paas bhi tha kya kya kuch

پلکوں سے تیری ہم کو کیا چشم داشت یہ تھی ان برچھیوں نے بانٹا باہم جگر ہمارا

Palkon se teri hum ko kya chashm-dasht ye thi In barchhiyon ne banta baaham jigar hamara

دل ہوا ہے طرف محبت کا خون کے قطرے کا جگر دیکھو

Dil hua hai taraf muhabbat ka Khoon ke qatre ka jigar dekho

کرتا ہے چھید چھید ہمارا جگر تمام وہ دیکھنا ترا مژۂ نیم باز سے

Karta hai chheed chheed hamara jigar tamaam Wo dekhna tera mizha-e-neem-baaz se

کیسے کیسے رک گئے ہیں میرؔ ہم مدتوں منہ تک جگر آتا رہا

Kaise kaise ruk gaye hain Mir ham Muddaton munh tak jigar aata raha

وہ فکر کر کہ چاک جگر پاوے التیام ناصح جو تو نے جامہ سلایا تو کیا ہوا

Wo fikr kar ke chaak-e-jigar pawe iltiyam Naasih jo tu ne jaama silaya to kya hua

کثرت میں درد و غم کی نہ نکلی کوئی تپش کوچہ جگر کے زخم کا شاید کہ تنگ تھا

Kasrat mein dard-o-gham ki na nikli koi tapish Koocha-e-jigar ke zakhm ka shaayad ke tang tha

دیکھا ہے صید گاہ میں ترے صید کا جگر با آنکہ چھن رہا تھا پہ ذوق خدنگ تھا

Dekha hai said-gaah mein tere said ka jigar Baa-aanke chhan raha tha pe zauq-e-khadang tha

کچھ مست ہیں ہم دیدۂ پر خون جگر سے آیا یہی ہے ساغر سرشار محبت

Kuch mast hain hum deeda-e-pur-khoon-e-jigar se Aaya yahi hai saaghar-e-sarshaar-e-mohabbat

اپنے کوچے میں فغاں جس کی سنو ہو ہر رات وہ جگر سوختہ و سینہ جلا میں ہی ہوں

Apne koohe mein fughaan jis ki suno ho har raat Woh jigar-sokhta-o-seena-jala main hi hun

بوئے کباب سوختہ آئی دماغ میں شاید جگر بھی آتش غم نے جلا دیا

Boo-e-kabaab-e-sokhta aayi dimaagh mein Shaayad jigar bhi aatish-e-gham ne jala diya

کچھ نہ پوچھو کہ آتش غم سے جگر و دل کباب ہیں دونوں

Kuch na puchho ke aatish-e-gham se Jigar-o-dil kabaab hain donon

دل بیتاب آفت ہے بلا ہے جگر سب کھا گیا اب کیا رہا ہے

Dil betaab aafat hai bala hai Jigar sab kha gaya ab kya raha hai

شمع مزار اور یہ سوز جگر مرا ہر شب کریں گے زندگی ناساز میرے بعد

Shama-e-mazaar aur yeh soz-e-jigar mera Har shab karein ge zindagi naasaaz mere baad

جب نام ترا لیجیے تب چشم بھر آوے اس زندگی کرنے کو کہاں سے جگر آوے

Jab naam tera lijiye tab chashm bhar aawe Is zindagi karne ko kahan se jigar aawe

گہ لوہو ٹپکتا ہے گہ لخت دل آنکھوں سے یا ٹکڑے جگر ہی کے ہر آن نکلتے ہیں

Gah loohu tapakta hai gah lakht-e-dil aankhon se Ya tukre-e-jigar hi ke har aan nikalte hain

دل ہے داغ جگر ہے ٹکڑے آنسو سارے خون ہوئے لوہو پانی ایک کرے یہ عشق لالہ عذاراں ہے

Dil hai daagh jigar hai tukre aansu saare khoon hue Loohu paani ek kare yeh ishq laala-azaaraan hai

سینے میں تیر اس کے ٹوٹے ہیں بے نہایت سوراخ پڑ گئے ہیں سارے مرے جگر میں

Seene mein teer us ke tute hain be-nihaayat Sooraakh par gaye hain saare mere jigar mein

ہر زخم جگر داور محشر سے ہمارا انصاف طلب ہے تری بیداد گری کا

Har zakhm-e-jigar daawer-e-mahshar se hamara Insaaf talab hai teri bedad-gari ka

ٹک میرؔ جگر سوختہ کی جلد خبر لے کیا یار بھروسا ہے چراغ سحری کا

Tuk Meer jigar-sokhta ki jald khabar le Kya yaar bharosa hai chiraagh-e-sahri ka

لگے خدنگ جب اس نالۂ سحر کا سا فلک کا حال نہ ہو کیا مرے جگر کا سا

Lage khadang jab is naala-e-sehar ka sa Falak ka haal na ho kya mere jigar ka sa

خسرو عیش وصل یار جاں کنی اور کوہ کن اپنا جگر تو خوں ہوا عشق کے امتیاز میں

Khusrau-e-aish-e-wasl yaar jaan-kani aur koh-kan Apna jigar to khoon hua ishq ke imtiyaaz mein

کیا سبھی سینے جل چکے کیا سبھی دل پگھل چکے بوئے کباب اب نہیں آہ جگر گداز میں

Kya sabhi seene jal chuke kya sabhi dil pighal chuke Boo-e-kabaab ab nahin aah jigar-gudaaz mein

جلا جگر تپ غم سے پھڑکنے جان لگی الٰہی خیر کہ اب آگ پاس آن لگی

Jala jigar tap-e-gham se pharak ne jaan lagi Ilaahi khair ke ab aag paas aan lagi

کس کو خون جگر پلائے گا ساغر مے کو کیوں لگایا منہ

Kis ko khoon-e-jigar pilaaye ga Saaghar-e-mai ko kyun lagaya munh

اے دل آہستہ آہ تاب شکن دیکھ ٹکڑے جگر نہ ہو جائے

Ae dil aahistah aah taab-shikan Dekh tukre-e-jigar na ho jaaye

کرتے ہیں اپنے زخم جگر کو رفو ہم آپ کچھ بھی خیال جنبش مژگاں نہیں رہا

Karte hain apne zakhm-e-jigar ko rafu hum aap Kuch bhi khayaal jumbish-e-muzgaan nahin raha

میں اور صد ہزار نواۓ جگر خراش تو اور ایک وہ نہ شنیدن کہ کیا کہوں

maiñ aur sad-hazār navā-e-jigar-ḳharāsh tū aur ek vo na-shunīdan ki kyā kahūñ