غزل· 1 منٹ کا مطالعہ

تیر جو اس کمان سے نکلا

جگر مرغ جان سے نکلا

نکلی تھی تیغ بے دریغ اس کی

میں ہی اک امتحان سے نکلا

گو کٹے سر کہ سوز دل جوں شمع

اب تو میری زبان سے نکلا

آگے اے نالہ ہے خدا کا ناؤں

بس تو نہ آسمان سے نکلا

چشم و دل سے جو نکلا ہجراں میں

نہ کبھو بحر و کان سے نکلا

مر گیا جو اسیر قید حیات

تنگنائے جہان سے نکلا

دل سے مت جا کہ حیف اس کا وقت

جو کوئی اس مکان سے نکلا

اس کی شیریں لبی کی حسرت میں

شہد پانی ہو شان سے نکلا

نا مرادی کی رسم میرؔ سے ہے

طور یہ اس جوان سے نکلا

کسی بھی لفظ پر کلک کر کے اس کا مطلب دیکھیں

میر تقی میر

1723–1810

One of the greatest masters of the Urdu ghazal — the poet of pain, whose tender, sorrowful voice shaped the language itself.

← مکمل پروفائل دیکھیں

مزید از میر تقی میر

غزل

دن نہیں رات نہیں صبح نہیں شام نہیں

وقت ملنے کا مگر داخل ایام نہیں

Din nahin raat nahin subah nahin shaam nahin

میر تقی میر

غزل

گلا نہیں ہے ہمیں اپنی جاں گدازی کا

جگر پہ زخم ہے اس کی زباں درازی کا

Gila nahin hai hamein apni jaan gudazi ka

میر تقی میر

غزل

خاطر کرے ہے جمع وہ ہر بار ایک طرح

کرتا ہے چرخ مجھ سے نئے یار ایک طرح

Khatir kare hai jama woh har baar ek tarah

میر تقی میر

غزل

دو دن سے کچھ بنی تھی سو پھر شب بگڑ گئی

صحبت ہماری یار سے بے ڈھب بگڑ گئی

Do din se kuch bani thi so phir shab bigar gayi

میر تقی میر

غزل

پیغام غم جگر کا گلزار تک نہ پہنچا

نالہ مرا چمن کی دیوار تک نہ پہنچا

Paigham-e-Gham-e-Jigar Ka Gulzar Tak Na Pahuncha

میر تقی میر

غزل

کب تلک یہ ستم اٹھائیے گا

ایک دن یوں ہی جی سے جائیے گا

Kab talak yeh sitam uthaiye ga

میر تقی میر

پچھلی غزل →

کیا کہوں کیسا ستم غفلت سے مجھ پر ہو گیا

← اگلی غزل

جو کہو تم سو ہے بجا صاحب

Comments

Loading comments…