جو میں نہ ہوں تو کرو ترک ناز کرنے کو کوئی تو چاہیے جی بھی نیاز کرنے کو

Jo main na hoon to karo tark-e-naaz karne ko Koi to chahiye jee bhi niaz karne ko

سو ملک پھرا لیکن پائی نہ وفا اک جا جی کھا گئی ہے میرا اس جنس کی نایابی

Sau mulk phira lekin payi na wafa ek ja Jee kha gayi hai mera is jins ki nayabi

طاقت نہیں ہے جی میں نے اب جگر رہا ہے پھر دل ستم رسیدہ اک ظلم کر رہا ہے

Taaqat nahin hai jee mein ne ab jigar raha hai Phir dil-e-sitam raseeda ek zulm kar raha hai

نظر آتے ہیں ہوتے جی کے وبال حلقہ حلقہ تمہارے بال ہمیں

Nazar aate hain hote jee ke wabaal Halka halka tumhaare baal hamein

جاتا ہے اک ہجوم غم عشق جی کے ساتھ ہنگامہ لے چلے ہیں ہم اس بھی جہان میں

Jata hai ik hujoom-e-gham-e-ishq jee ke sath Hangama le chale hain hum is bhi jahan mein

دل نذر و دیدہ پیشکش اے باعث حیات سچ کہہ کہ جی لگے ہے ترا کس مکان میں

Dil nazr-o-deeda peshkash ae baais-e-hayat Sach keh ke jee lage hai tera kis makan mein

جی تو ایسے کئی صدقے کیے تجھ پر لیکن حیف یہ ہے کہ تنک تو بھی پشیماں نہ ہوا

Jee to aise kayi sadqe kiye tujh par lekin Haif yeh hai ke tunak tu bhi pashemaan na hua

ہوا ہوں تنگ بہت کوئی دن میں سن لیجو کہ جی سے ہاتھ اٹھا کر وہ اٹھ گیا نہ رہا

Hawa hoon tang bahut koi din mein sun liyo Ke jee se haath utha kar woh uth gaya na raha

تنگ آئے ہیں دل اس جی سے اٹھا بیٹھیں گے بھوکوں مرتے ہیں کچھ اب یار بھی کھا بیٹھیں گے

Tang aaye hain dil is jee se utha baithain ge Bhukon marte hain kuch ab yaar bhi kha baithain ge

تو وہ متاع ہے کہ پڑی جس کی تجھ پہ آنکھ وہ جی کو بیچ کر بھی خریدار ہو گیا

Tu woh mata'a hai ke padi jis ki tujh pe aankh Woh jee ko bech kar bhi kharidar ho gaya

گوہر گوش کسو کا نہیں جی سے جاتا آنسو موتی سے مرے منہ پہ ڈھلے جاتے ہیں

Gauhar-e-gosh kasu ka nahi jee se jaata Aansu moti se mere munh pe dhale jaate hain

ہجر کی کوفت جو کھینچے ہیں انہیں سے پوچھو دل دیے جاتے ہیں جی اپنے ملے جاتے ہیں

Hijr ki koft jo kheeinche hain unhin se poochho Dil diye jaate hain jee apne mile jaate hain

اہل جہاں ہیں سارے ترے جیتے جی تلک پوچھیں گے بھی نہ بات جہاں تو عدم ہوا

Ahl-e-jahan hain saare tere jeete jee talak Poochhen ge bhi na baat jahan tu adam hua

نازکی کو عشق میں کیا دخل ہے اے بوالہوس یاں صعوبت کھینچنے کو جی میں طاقت چاہیے

Nazuki ko ishq mein kya dakhl hai ae bu-al-hawas Yaan soobat khenchnay ko jee mein taqat chahiye

جس صید گاہ عشق میں یاروں کا جی گیا مرگ اس شکار گہ کا شکار رمیدہ تھا

Jis said-gah-e-ishq mein yaaron ka jee gaya Marg us shikar-gah ka shikar-e-rameeda tha

مرتا ہے کیوں تو ناحق یاری برادری پر دنیا کے سارے ناتے ہیں جیتے جی تلک کے

Marta hai kyun toh nahaq yari baradari par Duniya ke sare naate hain jeete jee talak ke

دیا عاشق نے جی تو عیب کیا ہے یہی میرؔ اک ہنر ہوتا ہے ہم میں

Diya aashiq ne jee to aib kya hai Yahi Meer ik hunar hota hai hum mein

بگڑی ہے نپٹ میرؔ تپش اور جگر میں شاید کہ مرے جی ہی پر اب آن بنی ہے

Bigdi hai nipat Mir tapish aur jigar mein Shayad ke mere jee hi par ab aan bani hai

حسرت لطف عزیزان چمن جی میں رہی سر پہ دیکھا نہ گل و سرو کا سایہ ہم نے

Hasrat-e-lutf-e-azizan-e-chaman jee mein rahi Sar pe dekha na gul-o-sarv ka saya hum ne

جی میں تھا عرش پہ جا باندھئے تکیہ لیکن بسترہ خاک ہی میں اب تو بچھایا ہم نے

Jee mein tha arsh pe ja bandhiye takiya lekin Bistara khaak hi mein ab to bichaya hum ne

بوئے خوں سے جی رکا جاتا ہے اے باد بہار ہو گیا ہے چاک دل شاید کسو دلگیر کا

Bo-e-khoon se jee ruka jata hai ay bad-e-bahar Ho gaya hai chaak dil shayad kasoo dilgeer ka

خون سے میرے ہوئی یک دم خوشی تم کو تو لیک مفت میں جاتا رہا جی ایک بے تقصیر کا

Khoon se meray hui yak-dam khushi tum ko to laik Muft mein jata raha jee ek be-taqseer ka

مرنے سے کیا میرؔ جی صاحب ہم کو ہوش تھے کیا کریے جی سے ہاتھ اٹھائے گئے پر اس سے دل نہ اٹھائے گئے

Marne se kya Meer ji sahib hum ko hosh the kya kariye Jee se haath uthaye gaye par us se dil na uthaye gaye

صبر بھی کریے بلا پر میرؔ صاحب جی کبھو جب نہ تب رونا ہی کڑھنا یہ بھی کوئی ڈھنگ ہے

Sabr bhi kariye bala par Meer sahab jee kabhoo Jab na tab rona hi karhna yeh bhi koi dhang hai

توشۂ آخرت کا فکر رہے جی سے جانے کا ہے سفر نزدیک

Toshey-e-aakhirat ka fikr rahe Jee se jaane ka hai safar nazdeek

گل پھول سے بھی اپنے دل تو نہیں لگتے ٹک جی لوگوں کے بے جاناں کس طور بہلتے ہیں

Gul phool se bhi apne dil toh nahi lagte tuk Jee logon ke be-jaanan kis taur behalte hain

رکا جاتا ہے جی اندر ہی اندر آج گرمی سے بلا سے چاک ہی ہو جاوے سینہ ٹک ہوا آوے

Ruka jata hai jee andar hi andar aaj garmi se Bala se chaak hi ho jaave seena tuk hawa aave

ترا آنا ہی اب مرکوز ہے ہم کو دم آخر یہ جی صدقے کیا تھا پھر نہ آوے تن میں یا آوے

Tera aana hi ab markooz hai hum ko dam-e-aakhir Yeh jee sadqay kiya tha phir na aave tan mein ya aave

خلاف ان اور خوباں کے سدا یہ جی میں رہتا ہے یہی تو میرؔ اک خوبی ہے معشوق خیالی میں

Khilaf-e-un aur khooban ke sada yeh jee mein rehta hai Yehi toh Meer ik khoobi hai mashooq-e-khayaali mein

کچھ دیر ہی لگی نہ دل کو تو تیر لگتے اس صید ناتواں کا کیا جی شتاب نکلا

Kuch der hi lagi na dil ko to teer lagte Is said-e-natwan ka kya jee shitaab nikla

کسی کے واسطے رسوائے عالم ہو پہ جی میں رکھ کہ مارا جائے جو ظاہر کرے اس راز پنہاں کو

Kisi ke wastay ruswaye-e-alam ho pe jee mein rakh Keh mara jaye jo zahir karay is raaz-e-pinhan ko

تو برسوں میں ملے ہے یاں فکر یہ رہے ہے جی جائے گا ہمارا اک دم کو یا رہے گا

Tu barson mein mile hai yaan fikr yeh rahe hai Jee jaye ga hamara ek dam ko ya rahe ga

میرے نہ ہونے کا تو ہے اضطراب یوں ہی آیا ہے جی لبوں پر اب کیا ہے جا رہے گا

Mere na hone ka toh hai iztirab yun hi Aaya hai jee labon par ab kya hai ja rahe ga

مرا جی تو آنکھوں میں آیا یہ سنتے کہ دیدار بھی ایک دن عام ہوگا

Mera jee toh aankhon mein aaya yeh sunte Ke deedar bhi ek din aam hoga

ستم میں غم میں سرانجام اس کا کیا کہیے ہزاروں حسرتیں تھیں تس پہ جی کو مار رہا

Sitam mein gham mein sar-anjaam is ka kya kahiye Hazaron hasratein thin tis pe jee ko maar raha

یہ اجل سے جی چھپانا مرا آشکار ہے گا کہ خراب ہوگا مجھ بن غم عشق گل غداراں

Yeh ajal se jee chupana mera aashkaar hai ga Ke kharaab hoga mujh bin gham-e-ishq-e-gul-ghadaaran

گئے جی سے چھوٹے بتوں کی جفا سے یہی بات ہم چاہتے تھے خدا سے

Gaye jee se chhute buton ki jafa se Yahi baat hum chahte the khuda se

نہ پوچھ خواب زلیخا نے کیا خیال لیا کہ کارواں کا کنعاں کے جی نکال لیا

Na pooch khwab Zulekha ne kya khayal liya Ke karwan-e-Kanaan ke jee nikal liya

کب تلک یہ ستم اٹھائیے گا ایک دن یوں ہی جی سے جائیے گا

Kab talak yeh sitam uthaiye ga Ek din yun hi jee se jaiye ga

سر مار مار سنگ سے مردانہ جی دیا فرہاد کے جہان سے جانے کو عشق ہے

Sar maar maar sang se mardaana jee diya Farhaad ke jahan se jaane ko ishq hai

اب کے بھی سیر باغ کی جی میں ہوس رہی اپنی جگہ بہار میں کنج قفس رہی

Ab ke bhi sair-e-baagh ki jee mein hawas rahi Apni jagah bahaar mein kunj-e-qafas rahi

تربت سے عاشقوں کے نہ اٹھا کبھو غبار جی سے گئے ولے نہ گئیں راز داریاں

Turbat se ashiqon ke na utha kabhi ghubar Jee se gaye wale na gayin raaz dariyan

جی چلا تھا کہ ترے ہونٹ مجھے یاد آئے لعل پائیں ہیں میں اس جی ہی کے کھوتے کھوتے

Jee chala tha ki tere hont mujhe yaad aaye La'al paye hain main is jee hi ke khote khote

نایاب اس گہر کی کیا ہے تلاش آساں جی ڈوبتا ہے اس کا جو تہہ سے آشنا ہے

Nayab is gohar ki kya hai talash aasan Jee doobta hai is ka jo teh se aashna hai

کچھ اور گاتے ہیں جو رقیب اس کے روبرو دشمن ہیں میری جان کے یہ جی ہے تان کا

Kuch aur gate hain jo raqeeb us ke rubaru Dushman hain meri jaan ke ye jee hai taan ka

تصویر کے سے طائر خاموش رہتے ہیں ہم جی کچھ اچٹ گیا ہے اب نالہ و فغاں سے

Tasweer ke se taair khamosh rehte hain hum Jee kuch uchat gaya hai ab naala-o-fughaan se

جی ہی ہٹے نہ میرا تو اس کو کیا کروں میں ہر چند بیٹھتا ہوں مجلس میں اس سے ہٹ ہٹ

Jee hi hate na mera to is ko kya karun main Har chand baithta hun majlis mein us se hat hat

آنکھیں مری کھلیں جب جی میرؔ کا گیا تب دیکھے سے اس کو ورنہ میرا بھی جی جلا تھا

Aankhen meri khulin jab jee Mir ka gaya tab Dekhe se us ko warna mera bhi jee jala tha

ہم خستہ دل ہیں تجھ سے بھی نازک مزاج تر تیوری چڑھائی تو نے کہ یاں جی نکل گیا

Ham khasta dil hain tujh se bhi naazuk-mizaaj tar Teori charhai to ne ke yaan jee nikal gaya

اللہ رے عندلیب کی آواز دل خراش جی ہی نکل گیا جو کہا ان نے ہائے گل

Allah Re Andaleeb Ki Aawaaz Dil-Kharaash Jee Hi Nikal Gaya Jo Kaha Un Ne Haaye Gul

بلبل ہزار جی سے خریدار اس کی ہے اے گل فروش کریو سمجھ کر بہائے گل

Bulbul Hazaar Jee Se Khareedaar Is Ki Hai Ae Gul-Farosh Kariyo Samajh Kar Bahaaye Gul

جیتے جی آہ ترے کوچے سے کوئی نہ پھرا جو ستم دیدہ رہا جا کے سو مر کر نکلا

Jeete jee aah tere koochay se koi na phira Jo sitam-deeda raha ja ke so mar kar nikla

ہر ذی حیات کا ہے سبب جو حیات کا نکلے ہے جی ہی اس کے لیے کائنات کا

Har zi-e-hayat ka hai sabab jo hayat ka Nikle hai jee hi us ke liye kainat ka

مدعا جو ہے سو وہ پایا نہیں جاتا کہیں ایک عالم جستجو میں جی کو اپنے کھو گیا

Mudda-a jo hai so woh paya nahin jata kahin Ek alam justaju mein jee ko apne kho gaya

شوق رخ یاد لب غم دیدار جی میں کیا کیا مرے رہا صاحب

Shauq rukh yaad lab gham-e-deedar Jee mein kya kya mere raha sahab

دل جلا آنکھیں جلیں جی جل گیا عشق نے کیا کیا ہمیں دکھلائے داغ

Dil jala aankhein jalein jee jal gaya Ishq ne kya kya hamein dikhlaye daagh

گل دیکھ کر چمن میں تجھ کو کھلا ہی جا ہے یعنی ہزار جی سے قربان ہو رہا ہے

Gul dekh kar chaman mein tujh ko khila hi jave yaani hazaar jee se qurban ho raha hai

جی جا نہ آہ ظالم تیرا ہی تو ہے سب کچھ کس منہ سے پھر کہیں جی قربان ہے ہمارا

Jee ja na aah zalim tera hi to hai sab kuch Kis munh se phir kahein jee qurban hai hamara

دل گیا ہوش گیا صبر گیا جی بھی گیا شغل میں غم کے ترے ہم سے گیا کیا کیا کچھ

Dil gaya hosh gaya sabr gaya jee bhi gaya Shughl mein gham ke tere hum se gaya kya kya kuch

حسرت وصل و غم ہجر و خیال رخ دوست مر گیا میں پہ مرے جی میں رہا کیا کیا کچھ

Hasrat-e-wasl o gham-e-hijr o khayal-e-rukh-e-dost Mar gaya mein pe mere jee mein raha kya kya kuch

مانند سبحہ عقدے نہ دل کے کبھو کھلے جی اپنا کیوں کہ اچٹے نہ روزے نماز سے

Maanind-e-subha uqde na dil ke kabhoo khule Jee apna kyun ke achte na roze namaz se

عشق کیا کیا آفتیں لاتا رہا آخر اب دوری میں جی جاتا رہا

Ishq kya kya aafatein laata raha Aakhir ab doori mein jee jaata raha

اک نگہ میں ہزار جی مارے ساحری کی کہ دل ربائی کی

Ik nigah mein hazar jee maare Sahiri ki ke dil-rabai ki

ہر صبح تو خورشید ترے منہ پہ چڑھے ہے ایسا نہ ہو یہ سادہ کہیں جی سے اتر جائے

Har subah to khursheed tare munh pe chadhe hai Aisa na ho yeh saada kahin jee se utar jaye