تھی عشق کی وہ ابتدا جو موج سی اٹھی کبھو اب دیدۂ تر کو جو تم دیکھو تو ہے گرداب سا

Thi ishq ki woh ibtida jo mauj si uthi kabhoo Ab deedah-e-tar ko jo tum dekho toh hai girdab sa

شب شمع پر پتنگ کے آنے کو عشق ہے اس دل جلے کے تاب کے لانے کو عشق ہے

Shab-e-shama par patang ke aane ko ishq hai Is dil jale ke taab ke laane ko ishq hai

سر مار مار سنگ سے مردانہ جی دیا فرہاد کے جہان سے جانے کو عشق ہے

Sar maar maar sang se mardaana jee diya Farhaad ke jahan se jaane ko ishq hai

اٹھیو سمجھ کے جا سے کہ مانند گرد باد آوارگی سے تیری زمانے کو عشق ہے

Uthiyo samajh ke jaa se ke maanind-e-gard-e-baad Aawaragi se teri zamaane ko ishq hai

بس اے سپہر سعی سے تیری تو روز و شب یاں غم ستانے کو ہے جلانے کو عشق ہے

Bas ai sipehr sa'i se teri to roz-o-shab Yaan gham sataane ko hai jalaane ko ishq hai

بیٹھی جو تیغ یار تو سب تجھ کو کھا گئی اے سینے تیرے زخم اٹھانے کو عشق ہے

Baithi jo teigh-e-yaar to sab tujh ko kha gayi Ai seenay tere zakhm uthane ko ishq hai

اک دم میں تو نے پھونک دیا دو جہاں کے تیں اے عشق تیرے آگ لگانے کو عشق ہے

Ik dam mein tu ne phoonk diya do jahan ke tein Ai ishq tere aag lagaane ko ishq hai

سودا ہو تب ہو میرؔ کو تو کریے کچھ علاج اس تیرے دیکھنے کے دوانے کو عشق ہے

Sauda ho tab ho Meer ko to kariye kuch ilaaj Is tere dekhne ke deewane ko ishq hai

عجب کیا ہے ہلاک عشق میں فرہاد و مجنوں کے محبت روگ ہے کوئی کہ کم اس سے جیا ہوگا

Ajab kya hai halak ishq mein Farhad-o-Majnun ke Mohabbat rog hai koi ke kam is se jiya hoga

سادگی دیکھ عشق میں اس کے خواہش جان شاد ہے ہم کو

Saadgi dekh ishq mein us ke Khwahish-e-jaan shaad hai hum ko

ہم مست عشق واعظ بے ہیچ بھی نہیں ہیں غافل جو بے خبر ہیں کچھ ان کو بھی خبر ہے

Hum mast-e-ishq waiz be-haich bhi nahi hain Ghafil jo be-khabar hain kuch un ko bhi khabar hai

دل پہ کب اکتفا کرے ہے عشق جائے گا جان بھی یہ غم لے کر

Dil pe kab iktifa kare hai ishq Jaye ga jaan bhi yeh gham le kar

تاثیر عشق دیکھو وہ نامہ واں پہنچ کر جوں کاغذ ہوائی ہر سو اڑا پھرا ہے

Tasir-e-ishq dekho woh nama wan pahunch kar Joon kagaz-e-hawai har su uda phira hai

گرمئ عشق مانع نشوونما ہوئی میں وہ نہال تھا کہ اگا اور جل گیا

Garmi-e-ishq maane-e-nashv-o-numa hui Main woh nihaal tha ke uga aur jal gaya

کب تھا یہ شور نوحہ ترا عشق جب نہ تھا دل تھا ہمارا آگے تو ماتم سرا نہ تھی

Kab tha yeh shor-e-nauha tera ishq jab na tha Dil tha hamara aage to matam-sara na thi

آگے بھی تیرے عشق سے کھینچے تھے درد و رنج لیکن ہماری جان پر ایسی بلا نہ تھی

Aage bhi tere ishq se khenche the dard-o-ranj Lekin hamari jaan par aisi bala na thi

نہ رو عشق میں دشت گردی کو مجنوں ابھی کیا ہوا ہے بہت خوار ہوگا

Na ro ishq mein dasht-gardi ko Majnoo Abhi kya hua hai bahut khwar hoga

سودائی ہو تو رکھے بازار عشق میں پا سر مفت بیچتے ہیں یہ کچھ چلن ہے واں کا

Saudai ho toh rakhe bazaar-e-ishq mein pa Sar muft bechte hain yeh kuch chalan hai waan ka

مستہلک اس کے عشق کے جانیں ہیں قدر مرگ عیسیٰ و خضر کو ہے مزہ کب وفات کا

Mustahlik us ke ishq ke jaane hain qadr-e-marg Isa o Khizr ko hai maza kab wafat ka

عشق میں کچھ نہیں دوا سے نفع کڑھیے کب تک نہ ہو بلا سے نفع

Ishq mein kuch nahin dawa se nafa Kadhiye kab tak na ho bala se nafa

ہر چند ضبط کریے چھپتا ہے عشق کوئی گزرے ہے دل پہ جو کچھ چہرے ہی سے عیاں ہے

Har chand zabt kariye chhupta hai ishq koi Guzray hai dil pay jo kuch chehray hi say ayaan hai

کچھ خطرناکی طریق عشق میں پنہاں نہیں کھپ گیا وہ راہرو اس راہ ہو کر جو گیا

Kuch khatarnaki tareeq-e-ishq mein pinhan nahin Khap gaya woh rah-rau us rah ho kar jo gaya

دل جلا آنکھیں جلیں جی جل گیا عشق نے کیا کیا ہمیں دکھلائے داغ

Dil jala aankhein jalein jee jal gaya Ishq ne kya kya hamein dikhlaye daagh

عشق میں ہوش و صبر سنتے تھے رکھ گئے ہاتھ سو تو کانوں پر

Ishq mein hosh o sabr sunte the Rakh gaye haath so to kaanon par

یا رب کوئی ہو عشق کا بیمار نہ ہووے مر جائے ولے اس کو یہ آزار نہ ہووے

Ya rab koi ho ishq ka bimar na howe Mar jaye wale us ko ye aazar na howe

چلتا ہے رہ عشق ہی اس پر بھی چلے تو پر ایک قدم چل کہیں زنہار نہ ہووے

Chalta hai rah-e-ishq hi is par bhi chale to Par ek qadam chal kahin zinhaar na howe

بے ستوں کیا ہے کوہ کن کیسا عشق کی زور آزمائی ہے

Be-sutoon kya hai koh-kan kaisa Ishq ki zor aazmaayi hai

چشم نمناک و دل پر جگر صد پارہ دولت عشق سے ہم پاس بھی تھا کیا کیا کچھ

Chashm-e-namnaak o dil-e-pur jigar-e-sad-para Daulat-e-ishq se hum paas bhi tha kya kya kuch

عشق کیا کیا ہمیں دکھاتا ہے آہ تم بھی تو اک نظر دیکھو

Ishq kya kya hamein dikhata hai Aah tum bhi to ik nazar dekho

دل پر ہو اختیار تو ہرگز نہ کریے عشق پرہیز کریے اس مرض جاں گداز سے

Dil par ho ikhtiyaar to hargiz na kariye ishq Parheiz kariye is marz-e-jaan-gudaaz se

مانع ہوں کیوں کہ گریۂ خونیں کے عشق میں ہے ربط خاص چشم کو افشائے راز سے

Maane' hon kyun ke girya-e-khoonein ke ishq mein Hai rabt-e-khaas chashm ko afshaa-e-raaz se

عشق کیا کیا آفتیں لاتا رہا آخر اب دوری میں جی جاتا رہا

Ishq kya kya aafatein laata raha Aakhir ab doori mein jee jaata raha

دل ہوا کب عشق کی رہ کا دلیل میں تو خود گم ہی اسے پاتا رہا

Dil hua kab ishq ki rah ka daleel Main to khud gum hi ise paata raha

کچھ نہ میں سمجھا جنون و عشق میں دیر ناصح مجھ کو سمجھاتا رہا

Kuchh na main samjha junoon-o-ishq mein Der naasih mujh ko samjhata raha

کلفت رنج عشق کم نہ ہوئی میں دوا کی بہت شفائی کی

Kulfat-e-ranj-e-ishq kam na hui Main dawa ki bahut shifai ki

مت بیٹھ بہت عشق کے آزردہ دلوں میں نالہ کسو مظلوم کا تاثیر نہ کر جائے

Mat baith bahut ishq ke aazurda dilon mein Nala kasu mazloom ka taseer na kar jaye

لایا مرے مزار پہ اس کو یہ جذب عشق جس بے وفا کو نام سے بھی میرے ننگ تھا

Laaya mere mazaar pe us ko yeh jazb-e-ishq Jis be-wafa ko naam se bhi mere nang tha

بیکار نہ رہ عشق میں تو رونے سے ہرگز یہ گریہ ہی ہے آب رخ کار محبت

Beekaar na reh ishq mein tu rone se hargiz Yeh girya hi hai aab-e-rukh-kaar-e-mohabbat

اس ماہ چاردہ کا چھپے عشق کیونکے آہ اب تو تمام شہر میں مشہور ہو گیا

Is maah-e-chaardah ka chhupe ishq kyunke aah Ab to tamaam shehr mein mashhoor ho gaya

آگ تھے ابتدائے عشق میں ہم اب جو ہیں خاک انتہا ہے یہ

Aag the ibtida-e-ishq mein hum Ab jo hain khaak intiha hai yeh

کیا موافق ہو دوا عشق کے بیمار کے ساتھ جی ہی جاتے نظر آئے ہیں اس آزار کے ساتھ

Kya moaafiq ho dawa ishq ke beemaar ke saath Ji hi jaate nazar aaye hain is aazaar ke saath

پوشیدہ راز عشق چلا جائے تھا سو آج بے طاقتی نے دل کی وہ پردہ اٹھا دیا

Poshida raaz-e-ishq chala jaaye tha so aaj Be-taaqati ne dil ki woh parda utha diya

تھی لاگ اس کی تیغ کو ہم سے سو عشق نے دونوں کو معرکے میں گلے سے ملا دیا

Thi laag us ki tegh ko hum se so ishq ne Donon ko maarkay mein gale se mila diya

آوارگان عشق کا پوچھا جو میں نشاں مشت غبار لے کے صبا نے اڑا دیا

Aawaargaan-e-ishq ka puchha jo main nishaan Musht-e-ghubaar le ke saba ne ura diya

اجزا بدن کے جتنے تھے پانی ہو بہہ گئے آخر گداز عشق نے ہم کو بہا دیا

Ajzaa-e-badan ke jitne the paani ho beh gaye Aakhir gudaaz-e-ishq ne hum ko baha diya

گویا محاسبہ مجھے دینا تھا عشق کا اس طور دل سی چیز کو میں نے لگا دیا

Goya muhaasaba mujhe dena tha ishq ka Is taur dil si cheez ko main ne laga diya

جہاں پر ہے فسانے سے ہمارے دماغ عشق ہم کو بھی کبھو تھا

Jahaan par hai fasaane se hamaare Dimaagh-e-ishq hum ko bhi kabhu tha

ہم کو مجنوں کو عشق میں مت بوجھ ننگ اس خانداں کے ہم بھی ہیں

Hum ko Majnoon ko ishq mein mat bujh Nang is khaandaan ke hum bhi hain

کیا کیا زیان میرؔ نے کھینچے ہیں عشق میں دل ہاتھ سے دیا ہے جدا سر جدا دیا

Kya kya ziyaan Meer ne kheenche hain ishq mein Dil haath se diya hai juda sar juda diya

عشق میں ہم ہوئے نہ دیوانے قیس کی آبرو کا پاس کیا

Ishq mein hum hue na deewane Qais ki aabroo ka paas kiya

وا نہیں ہوتا کسو سے دل گرفتہ عشق کا ظاہراً غمگیں اسے رہنا خوش آیا ہے بہت

Wa nahin hota kiso se dil-e-grifta-e-ishq ka Zaahiran ghamgeen use rehna khush aaya hai bahut

سخت کافر تھا جن نے پہلے میرؔ مذہب عشق اختیار کیا

Sakht kaafir tha jin ne pehle Meer Mazhab-e-ishq ikhtiyaar kiya

اعجاز عیسوی سے نہیں بحث عشق میں تیری ہی بات جان مجسم بہت ہے یاں

Ejaaz-e-Eesawi se nahin bahas ishq mein Teri hi baat jaan-e-mujassam bahut hai yaan

پاس ناموس عشق تھا ورنہ کتنے آنسو پلک تک آئے تھے

Paas-e-naamoose-ishq tha warna Kitne aansu palak talak aaye the

اس کا خیال چشم سے شب خواب لے گیا قسمے کہ عشق جی سے مرے تاب لے گیا

Us ka khayaal chashm se shab khwaab le gaya Qasme ke ishq ji se mere taab le gaya

نے دل رہا بجا ہے نہ صبر و حواس و ہوش آیا جو سیل عشق سب اسباب لے گیا

Na dil raha baja hai na sabr-o-hawas-o-hosh Aaya jo sail-e-ishq sab asbaab le gaya

تو ہے کس ناحیے سے اے دیار عشق کیا جانوں ترے باشندگاں ہم کاش سارے بے وفا ہوتے

Tu hai kis naahiye se ae diyaar-e-ishq kya jaanon Tere baashindagaan hum kaash saare be-wafa hote

عشق ان کی عقل کو ہے جو ماسوا ہمارے ناچیز جانتے ہیں نا بود جانتے ہیں

Ishq un ki aql ko hai jo masiwa hamaare Naacheez jaante hain na-bood jaante hain

عشق ہمارے خیال پڑا ہے خواب گئی آرام گیا جی کا جانا ٹھہر رہا ہے صبح گیا یا شام گیا

Ishq hamaare khayaal para hai khwaab gayi aaraam gaya Ji ka jaana thahar raha hai subh gaya ya shaam gaya

عشق کیا سو دین گیا ایمان گیا اسلام گیا دل نے ایسا کام کیا کچھ جس سے میں ناکام گیا

Ishq kiya so deen gaya eemaan gaya Islaam gaya Dil ne aisa kaam kiya kuch jis se main naakaam gaya

عشق میں ذلت ہوئی خفت ہوئی تہمت ہوئی آخر آخر جان دی یاروں نے یہ صحبت ہوئی

Ishq mein zillat hui khiffat hui tohmat hui Aakhir aakhir jaan di yaaron ne yeh sohbat hui

کیا کف دست ایک میداں تھا بیاباں عشق کا جان سے جب اس میں گزرے تب ہمیں راحت ہوئی

Kya kaf-e-dast ek maidaan tha bayaabaan-e-ishq ka Jaan se jab us mein guzre tab hamein raahat hui

گوش زد چٹ پٹ ہی مرنا عشق میں اپنے ہوا کس کو اس بیماری جانکاہ سے فرصت ہوئی

Gosh-zad chat pat hi marna ishq mein apne hua Kis ko is beeraari-e-jaan-kaah se fursat hui

ہم کشتگان عشق ہیں ابرو و چشم یار سر سے ہمارے تیغ کا سایہ نہ جائے گا

Hum kushtgaan-e-ishq hain abru-o-chashm-e-yaar Sar se hamaare tegh ka saaya na jaaye ga

گو بے ستوں کو ٹال دے آگے سے کوہ کن سنگ گران عشق اٹھایا نہ جائے گا

Go Be-Sitoon ko taal de aage se koh-kan Sang-e-giraan-e-ishq uthaaya na jaaye ga

آوے گی میری قبر سے آواز میرے بعد ابھریں گے عشق دل سے ترے راز میرے بعد

Aawe gi meri qabar se aawaaz mere baad Ubhren ge ishq dil se tere raaz mere baad

کام تھے عشق میں بہت پر میرؔ ہم ہی فارغ ہوئے شتابی سے

Kaam the ishq mein bahut par Meer Hum hi faarigh hue shitaabi se

جن جن کو تھا یہ عشق کا آزار مر گئے اکثر ہمارے ساتھ کے بیمار مر گئے

Jin jin ko tha yeh ishq ka aazaar mar gaye Aksar hamaare saath ke beemaar mar gaye

گھبرا نہ میرؔ عشق میں اس سہل زیست پر جب بس چلا نہ کچھ تو مرے یار مر گئے

Ghабра na Meer ishq mein is sahl-e-zeest par Jab bas chala na kuch to mere yaar mar gaye

ابتدا ہی میں مر گئے سب یار عشق کی کون انتہا لایا

Ibtida hi mein mar gaye sab yaar Ishq ki kaun intiha laaya

عشق کے میداں داروں میں بھی مرنے کا ہے وصف بہت یعنی مصیبت ایسی اٹھانا کار کار گزاراں ہے

Ishq ke maidaan-daaron mein bhi marne ka hai wasf bahut Yaani museebat aisi uthaana kaar-e-kaarguzaaraan hai

دل ہے داغ جگر ہے ٹکڑے آنسو سارے خون ہوئے لوہو پانی ایک کرے یہ عشق لالہ عذاراں ہے

Dil hai daagh jigar hai tukre aansu saare khoon hue Loohu paani ek kare yeh ishq laala-azaaraan hai

کوہ کن و مجنوں کی خاطر دشت و کوہ میں ہم نہ گئے عشق میں ہم کو میرؔ نہایت پاس عزت داراں ہے

Koh-kan-o-Majnoon ki khaatir dasht-o-koh mein hum na gaye Ishq mein hum ko Meer nihayat paas-e-izzat-daaraan hai

کیا حقیقت کہوں کہ کیا ہے عشق حق شناسوں کے ہاں خدا ہے عشق

Kya haqeeqat kahun ke kya hai ishq Haq-shinaason ke haan Khuda hai ishq

دل لگا ہو تو جی جہاں سے اٹھا موت کا نام پیار کا ہے عشق

Dil laga ho to ji jahaan se utha Maut ka naam pyaar ka hai ishq

اور تدبیر کو نہیں کچھ دخل عشق کے درد کی دوا ہے عشق

Aur tadabeer ko nahin kuch dakhl Ishq ke dard ki dawa hai ishq

کیا ڈبایا محیط میں غم کے ہم نے جانا تھا آشنا ہے عشق

Kya dubaaya muheet-e-gham ke Hum ne jaana tha aashna hai ishq

عشق سے جا نہیں کوئی خالی دل سے لے عرش تک بھرا ہے عشق

Ishq se ja nahin koi khaali Dil se le arsh tak bhara hai ishq

کوہ کن کیا پہاڑ کاٹے گا پردے میں زور آزما ہے عشق

Koh-kan kya pahaar kaate ga Parde mein zor-aazma hai ishq

عشق ہے عشق کرنے والوں کو کیسا کیسا بہم کیا ہے عشق

Ishq hai ishq karne walon ko Kaisa kaisa baham kiya hai ishq

کون مقصد کو عشق بن پہنچا آرزو عشق مدعا ہے عشق

Kaun maqsad ko ishq bin pahuncha Aarzoo ishq mudda hai ishq

میرؔ مرنا پڑے ہے خوباں پر عشق مت کر کہ بد بلا ہے عشق

Meer marna pare hai khooban par Ishq mat kar ke bad-bala hai ishq

پھر بھی کرتے ہیں میرؔ صاحب عشق ہیں جواں اختیار رکھتے ہیں

Phir bhi karte hain Meer saahib ishq Hain jawaan ikhtiyaar rakhte hain

عشق پیچے کی طرح حسن گرفتاری ہے لطف کیا سرو کی مانند گر آزاد رہو

Ishq peche ki tarah husn-e-griftaari hai Lutf kya sarw ki maanind gar aazaad raho

راہ دور عشق میں روتا ہے کیا آگے آگے دیکھیے ہوتا ہے کیا

Raah-e-dur ishq mein rota hai kya Aage aage dekhiye hota hai kya

یہ نشان عشق ہیں جاتے نہیں داغ چھاتی کے عبث دھوتا ہے کیا

Yeh nishaan-e-ishq hain jaate nahin Daagh chhaati ke abas dhota hai kya

عشق کو حوصلہ ہے شرط ارنہ بات کا کس کو ڈھب نہیں آتا

Ishq ko hosla hai shart arna Baat ka kis ko dhab nahin aata

دور بیٹھا غبار میرؔ اس سے عشق بن یہ ادب نہیں آتا

Door baitha ghubaar Meer us se Ishq bin yeh adab nahin aata

کیا کہوں تم سے میں کہ کیا ہے عشق جان کا روگ ہے بلا ہے عشق

Kya kahun tum se main ke kya hai ishq Jaan ka rog hai bala hai ishq

عشق ہی عشق ہے جہاں دیکھو سارے عالم میں بھر رہا ہے عشق

Ishq hi ishq hai jahan dekho Saare aalam mein bhar raha hai ishq

عشق ہے طرز و طور عشق کے تئیں کہیں بندہ کہیں خدا ہے عشق

Ishq hai tarz-o-taur ishq ke taen Kahin banda kahin Khuda hai ishq

عشق معشوق عشق عاشق ہے یعنی اپنا ہی مبتلا ہے عشق

Ishq maashuq ishq aashiq hai Yaani apna hi mubtala hai ishq

گر پرستش خدا کی ثابت کی کسو صورت میں ہو بھلا ہے عشق

Gar parastish-e-Khuda ki saabit ki Kaso soorat mein ho bhala hai ishq

دل کش ایسا کہاں ہے دشمن جاں مدعی ہے پہ مدعا ہے عشق

Dil-kash aisa kahan hai dushman-e-jaan Mudda'i hai pe mudda hai ishq

ہے ہمارے بھی طور کا عاشق جس کسی کو کہیں ہوا ہے عشق

Hai hamaare bhi taur ka aashiq Jis kisi ko kahin hua hai ishq

کوئی خواہاں نہیں محبت کا تو کہے جنس ناروا ہے عشق

Koi khwaahaan nahin mohabbat ka To kahe jins-e-naarawa hai ishq

میرؔ جی زرد ہوتے جاتے ہو کیا کہیں تم نے بھی کیا ہے عشق

Meer ji zard hote jaate ho Kya kahen tum ne bhi kiya hai ishq

عشق ان کی بلا جانے عاشق ہوں تو پہچانے لو مجھ کو اطبا نے سودے کا خلل جانا

Ishq un ki bala jaane aashiq hun to pehchaane Lo mujh ko atibba ne saude ka khalal jaana

خسرو عیش وصل یار جاں کنی اور کوہ کن اپنا جگر تو خوں ہوا عشق کے امتیاز میں

Khusrau-e-aish-e-wasl yaar jaan-kani aur koh-kan Apna jigar to khoon hua ishq ke imtiyaaz mein

پردہ نشیں کے عشق میں پردہ دری نہ ہو کہیں ہوتی ہیں بے حجابیاں جان نہفتہ راز میں

Parda-nasheen ke ishq mein parda-dari na ho kahin Hoti hain be-hijaabiyaan jaan-e-nihufta-raaz mein

تھی بد گمانی اب انہیں کیا عشق حور کی جو آ کے مرتے دم مجھے صورت دکھا گئے

thi bad-gumaani ab unhen kya ishq-e-hoor ki jo aa ke marte dam mujhe soorat dikha gaye

ہو گیا راز عشق بے پردہ اس نے پردے سے جو نکالا منہ

Ho gaya raaz-e-ishq be-parda Us ne parde se jo nikaala munh

عشق میں کام کچھ نہیں آتا گر نہ کی حرص و مال و جاہ نہ کی

Ishq mein kaam kuch nahin aata Gar na ki hirs-o-maal-o-jaah na ki

کیونکر یہ کہیں منت اعدا نہ کریں گے کیا کیا نہ کیا عشق میں کیا کیا نہ کریں گے

Kyunkar yeh kahen minnat-e-aada na karein ge Kya kya na kiya ishq mein kya kya na karein ge

گر پھر بھی اشک آئیں تو جانوں کہ عشق ہے حقہ کا منہ سے غیر کی جانب دھواں نہ چھوڑ

Gar phir bhi ashk aayen to jaanon ke ishq hai Huqqa ka munh se ghair ki jaanib dhuaan na chhor

بے تودہ تودہ خاک سبک دوش ہو گئے سر پر جنون عشق کا احساں نہیں رہا

Be toda toda khaak sabuk-dosh ho gaye Sar par junoon-e-ishq ka ahsaan nahin raha

بے اعتبار ہو گئے ہم ترک عشق سے از بس کہ پاس وعدہ و پیماں نہیں رہا

Be-aitbaar ho gaye hum tark-e-ishq se Az bas ke paas-e-waada-o-paimaan nahin raha

نام عشق بتاں نہ لو مومنؔ کیجئے بس خدا خدا صاحب

Naam ishq-e-butaan na lo Momin Kijiye bas Khuda Khuda saahib

دل عشق تیری نذر کیا جان کیونکہ دوں رکھا ہے اس کو حسرت دیدار کے لیے

Dil ishq teri nazar kiya jaan kyunke dun Rakha hai us ko hasrat-e-deedar ke liye

قہر ہے موت ہے قضا ہے عشق سچ تو یوں ہے بری بلا ہے عشق

Qahr hai, maut hai, qaza hai ishq Sach to yun hai buri bala hai ishq

اثر غم ذرا بتا دینا وہ بہت پوچھتے ہیں کیا ہے عشق

Asar-e-gham zara bata dena Woh bohat poochhtay hain kya hai ishq

آفت جاں ہے کوئی پردہ نشیں کہ مرے دل میں آ چھپا ہے عشق

Aafat-e-jaan hai koi parda nasheen Ke mere dil mein aa chhupa hai ishq

بوالہوس اور لاف جانبازی کھیل کیسا سمجھ لیا ہے عشق

Bol havas aur laaf-e-jaanbazi Khel kaisa samajh liya hai ishq

وصل میں احتمال شادی مرگ چارہ گر درد بے دوا ہے عشق

Wasl mein ihtimaal-e-shaadi-e-marg Chara-gar dard-e-be-dawa hai ishq

سوجھے کیونکر فریب دل داری دشمن آشنا نما ہے عشق

Soojhe kyunkar fareb-e-dildari Dushman-e-aashna numa hai ishq

کس ملاحت سرشت کو چاہا تلخ کامی پہ بامزا ہے عشق

Kis malahat sarisht ko chaha Talkh kami pe baamaza hai ishq

ہم کو ترجیح تم پہ ہے یعنی دل ربا حسن و جاں ربا ہے عشق

Hum ko tarjeeh tum pe hai yaani Dil ruba husn-o-jaan ruba hai ishq

دیکھ حالت مری کہیں کافر نام دوزخ کا کیوں دھرا ہے عشق

Dekh haalat meri kahin kaafir Naam-e-dozakh ka kyun dhara hai ishq

دیکھیے کس جگہ ڈبو دے گا میری کشتی کا ناخدا ہے عشق

Dekhiye kis jagah dubo de ga Meri kashti ka nakhuda hai ishq

اب تو دل عشق کا مزا چکھا ہم نہ کہتے تھے کیوں برا ہے عشق

Ab to dil ishq ka maza chakha Hum na kehte the kyun bura hai ishq

آپ مجھ سے نباہیں گے سچ ہے باوفا حسن و بے وفا ہے عشق

Aap mujh se nibaahein ge sach hai Ba wafa husn-o-be wafa hai ishq

میں وہ مجنون وحشت آرا ہوں نام سے میرے بھاگتا ہے عشق

Main woh majnoon-e-wehshat aara hun Naam se mere bhaagta hai ishq

قیس و فرہاد و وامق و مومنؔ مر گئے سب ہی کیا وبا ہے عشق

Qais-o-Farhad-o-Wamiq-o-Momin Mar gaye sab hi kya waba hai ishq

وحشت ہے عشق پردہ نشیں میں دم بکا منہ ڈھانکتے ہیں پردۂ چشم پری سے ہم

Wahshat hai ishq-e-parda-nasheen mein dam-ba-khud Munh dhaankte hain parda-e-chashm-e-pari se hum

عمر ساری تو کٹی عشق بتاں میں مومنؔ آخری وقت میں کیا خاک مسلماں ہوں گے

Umar saari to kati ishq-e-butaan mein Momin Aakhri waqt mein kya khaak musalmaan hoon ge

اس بت کے لیے میں ہوس حور سے گزرا اس عشق خوش انجام کا آغاز تو دیکھو

Is but ke liye mein hawas-e-hoor se guzra Is ishq khush-anjaam ka aaghaaz to dekho

پیار تجھ سے کیا ہے خدا کی قسم یہ تعلق کبھی ٹوٹ سکتا نہیں اپنی ہستی مٹا کر ترے عشق میں تیرے جلووں کا آئینہ بن جاؤں گا

Pyaar tujh se kiya hai khuda ki qasam yeh ta'alluq kabhi toot sakta nahi Apni hasti mita kar tare ishq mein tere jalwon ka aaina ban jaaoon ga

جذبۂ عشق میرا سلامت رہے موت آئے گی خود لے کے جام بقا اے فناؔ ان کی الفت میں ہو کے فناؔ ہر قدم پر نئی زندگی پاؤں گا

Jazba-e-ishq mera salaamat rahe maut aaye gi khud le ke jaam-e-baqaa Ae Fana un ki ulfat mein ho ke Fana har qadam par nayi zindagi paaoon ga

ترے حسن پہ فدا ہوں ترے عشق میں فنا ہوں مجھے تیری آرزو ہے مری خلوتوں میں آ جا

Tere husn pe fida hoon tere ishq mein Fana hoon Mujhe teri aarzoo hai meri khalwaton mein aa ja

یہ عشق کی معراج ہے یا ان کا کرم ہے ہر وقت مرے سامنے تصویر صنم ہے

Yeh ishq ki me'raaj hai ya un ka karam hai Har waqt mere saamne tasveer-e-sanam hai

اے دوست ترے عشق میں پہنچا ہوں یہاں تک آنکھوں میں صنم خانہ ہے سینے میں حرم ہے

Ae dost tere ishq mein pohancha hoon yahan tak Aankhon mein sanam-khana hai seene mein haram hai

عشق بھی کھیل ہے نصیبوں کا خاک ہو جائیں کیمیا ہو جائیں

ishq bhi khel hai nasibon ka khak ho jaen kimiya ho jaen

تو خدا ہے نہ مرا عشق فرشتوں جیسا دونوں انساں ہیں تو کیوں اتنے حجابوں میں ملیں

tu khuda hai na mera ishq farishton jaisa donon insan hain to kyun itne hijabon mein milen

عشق اک میرؔ بھاری پتھر ہے کب یہ تجھ ناتواں سے اٹھتا ہے

ishq ek 'mir' bhaari patthar hai kab ye tujh na-tawan se uthta hai

عاشق سا تو سادہ کوئی اور نہ ہوگا دنیا میں جی کے زیاں کو عشق میں اس کے اپنا وارا جانے ہے

aashiq sa to sada koi aur na hoga duniya mein ji ke ziyan ko ishq mein us ke apna wara jaane hai

کیا کیا فتنے سر پر اس کے لاتا ہے معشوق اپنا جس بے دل بے تاب و تواں کو عشق کا مارا جانے ہے

kya kya fitne sar par us ke lata hai mashuq apna jis be-dil be-tab-o-tawan ko ishq ka mara jaane hai